بس ببساطة، كل المطلوب منك تحط الكوب بالثلاجة بدرجة حرارة منخفضة وبعدها يتم تنظيف الكوب واستخدامه مرة اخرى

صراحة وحيادية نتمنى نشوفها في البشر

الصورة اللي تشوفونها هي مفاعل نووي مجكنم بشركة كوداك اللي اعلنت افلاسها قبل جم شهر والخبر المنتشر عن الشركة حاليا هو مدى صلاحياتها لأمتلاك مثل هذا المفاعل في وسط نيويورك مع وجود 3 باوند من اليورانيوم اللي يقدرون يستخدمونه في الأسلحة

مصدر الخبر.

الله يخلي المفاعل النووية عندنا .. اقوى واحد تحصلونه بمطعم ملك المشويات :)

اي قصوا علينا بهالصورة، أي مستقبل تتكلمون عنه وانتوا بس حاطين صور عن مشاريع مو قاعدين نشوفها على ارض الواقع، مشروع طريق الجهراء حاطين 3 بنغالية وكل يوم واحد منهم يشتغل، بعدين من متى صارت مشاريع البنية التحتية تنموية؟ من متى مبنى وزارة صار من التنمية؟ بعدين القطار هذا وينه ماسمعنا عنه؟ ليش تحطون نفسكم بمواقف بايخة .. اشتغلوا وانتوا ساكتين

أخر شي .. بعرف اللي مسوي الديزاين اهو نفسه اللي مسوي لوحة محل حسينوه بدرب الزلق؟

الصورة من فرانكوم للعلم فقط .. صح شفتها بجريدة الوطن بس مالي خلق اصورها وانزلها ببوست.

تحاول تويتر في الأيام الحالية للحصول على براءة اختراع على خدمة اسحب للتحديث كما هو موضح بالصورة لمنع استخدامها في البرامج الثانية بعد ماصارت سبيل للكل ومنهم المرحوم الفيس بوك، وفي حالة حصولها على هذه البراءة فأن العديد من البرامج في الايفون سيتم تغييرها بشكل جذري، يعني بدال لا تسحب علشان التحديث .. اتوقع راح تصير “حرك الأيفون” للتحديث.

المصدر

لا حظوا كمية القذارة اللي طلعوها من الماي

وحدة من عجايز نيويورك العريقة وبالتحديد من كوينز رافعة قضية على شركة أبل لأنها درعمت ودشت بجامات المحل، محامي العجوز يقول ان ابل لها الحق انها تستخدم ادوات حديثة وجذابة لمنافسة الآخرين، بس مو معناته تعم على حريمنا ويدعمون محلاتهم، لدرجة ان العجوز ماغيرها انكسر خشمها، اتوقع مثبت السرعة كان معلق عندها .. ودشت بالجام.

تقول العجوز انها ماكانت تدري وان لازم يحطون ستيكرات تحذير على الجام علشان ما تدش فيه مرة ثانية، بعد هالقضية ابل قامت وحطت ستيكرات على جامات المحل .. علشان لا تقزر عليهم قضايا.

مصدر الخبر